Isiginnaartitsisarfik atserneqartoq
Nunatsinni isiginnaartitsisarfiup nutaamik kalaallisut tuluttullu pisortatigoortumik taaguutissaa ippassaq ataasinngornermi saqqummiunneqarpoq. Saqqummiunneqarneranut atatillugu aamma isiginnaartitsisartutut ilinniartussat nutaat aallartipput. Assit takukkit.
Allattoq Pipaluk Høegh
Nunatsinni isiginnaartitsisarfik pisortatigoortumik atserneqarpoq massakkullu taaguuteqalerluni "Nunatta Isiginnaartitsisarfia".
Nunatta Isiginnaartitsisarfia tuluttut aamma atserneqarpoq "The National Theatre of Greenland"-mik.
Pisortatigoortumik atsiineq pivoq Nunatta Isiginnaartitsinermut Ilinniarfiata ilinniartuni siulliit ippassaq ataasinngornermi tikilluaqqullugit persuarsiutigimmagit.
Pisortatigoortumik atsiinermi aamma saqqummiunneqarpoq Silamiut ilisarnaatigisimasaat Nunatta Isiginnaartitsisarfiata massakkut ilisarnaatigilissagaa. Ilisarnaat taanna timmissatut iluseqartoq Frederik ”Kunngi” Kristensen-imit suliaavoq.