Isiginnaartartut KNR-TV-mit qimaanissaat annilaanngatiginngilaa

Nuuk TV aggustip aallaqqaataani Danmarks Radiop kanaliinik aallakaatitsisalissaaq. Tamanna pisinnaanngorsimavoq ukiuni marlunni isumaqatigiinniartoqareernerup kingorna, tv-qarfillu oqallissaarisoq ilaatigut anguniarneqarpoq:

- Anguniagarput tassaavoq tv-qarfik kiffaanngissusilik, killilersugaanngitsoq inuiaqatigiillu iluanni oqallinnermik pilersitsisoq, Nuuk TV-p pisortaa Jens Olsen oqarpoq.

Ukiuni marlussunni Copy-Dan-imik isumaqatigiinniareerlutik, ukioq manna aggustip aallaqqaataaniit Danmarks Radio-p kanalii DR1 aamma DR2 aallakaatittalersinnaalerpaat, DR-illu radiokkut kanalii P1, P2, P3 kiisalu P4 aallakaatittalersinnaallugit.

Kalaallit Nunaata Radioanut unammillertoqarnersoq aperigatsinni, Nuuk TV-p pisortaa Jens Olsen oqarpoq taamatut isigineqartariaqanngitsoq, aappaatigulli periarfissanik amerlanerusunik pilersitsiinnarlutik.

KNR-ip pisortaa Lars Lennert Sandgreen oqarpoq Radiokkut tv-kullu tusagassiuutitigut allanngoriarujussuartoqanngitsoq, KNR-ip Danmarks Radiomit aallakaatittaagai suli annertummata. Isiginnaartunillu annaasaqarsinnaanissaq ilimaginagulu annilaanngatiginngilaa:

- Taannartaa annilaanngatigivallaanngilara. Soorunami isiginnaartartut qallunaajunerusut Danmarks Radio annertunerusumik isiginnaartalissavaat, kisianni ataatsmut isigalugu nunatsinni nammineq sanaatsinnik tv-mik aallakaatitassiorneq suli assut amigaataavoq, Lars Lennert Sandgreen oqarpoq, nangillunilu:

- Tassuunartaatigut annilaanngasutut oqarnianngikkaluarlunga, isumakuluuteqarpunga, taannalu Nuuk TV-mit aallaaveqanngilluinnarpoq. Qujarutiinnarpara, aamma paasinaannarpoq tv-qarneq qanoq sunniuteqartigisoq, aamma nuna tamakkerlugu suli annertunerusumik ineriartortinniarsariuassavarput, Lars Lennert Sandgreen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat