Isiginnaagassiaq Polaroid nunani avannarlerni takutinneqassaaq

Allattoq Jokum Nielsen
juunip 18-at 2006 16:46

Septembarip 29-ani isiginnaagassiaq "Polaroid" Nuummi Katuami saqqummiunneqaqqaassaaq, kingornalu nunani avannarlerni takutinneqaqattaassalluni.

Isiginnaagassiami isiginnaartitseqataasussaq Vivi Sørensen aperaarput periarfissinneqarnerminut qanoq misiginersoq.

Vivi Sørensen malunnartumik tulluusimaarpoq periarfissinneqarnerminulli qujamasulluni. Isiginnaagassiap Jo Strømgreen-imit ilitsersorneqartussaq sunik imaqassanersoq isiginnaartitsisartumut Varste Mathæussen Berndtsson-imut paasiniaratsigu, oqarpoq isiginnaagassiap imamigut sinaakutassai taamaallaat tusarsimallugit.