Isiginnaagassiaq nutaaq Katuami takutinneqangajalerpoq
Isiginnaartitsineq taaguuteqarpoq "Plus Minus Nul", schweizimiumit Christoph Marthalerimit suliarineqarsimalluni. Kulturikkut sullissiviit Europameersut arlallit ataatsimoorlutik isiginnaartitsineq nipilersukkanik tunngavilik Kalaallit Nunarput aallaavigalugu pilersinnissaat taassuma isumagisimavaa.
Silaannap kissakkiartornera isiginnaagassiap taagutaani "Plus Minus Nul"-imi pasitsassaarutgineqarpoq.
Kalaallit Nunaat, ataavartut puttalasullu akornanni ikaarsaarneruvoq, silaannaap qanoq issusia, tassa "Plus Minus Nul" inuunermik imaluunniit toqumik aalajangiisuusinnaavoq. Qanoq ililluta sungiussissaagut tunngavipput aappat? Tunngavipput sumi nassaarissavarput, politikkikkut nunarsuarpullu allanngorartillugu?
Isiginnaagassiortoq Christoph Marthaler, nammineq isiginnaartitsisartuni europameersut peqatigalugit Nunatsinnut upernaaru tikissaaq, aamma isiginnaartitsisartut eqqumiitsuliortullu Kalaallit Nunaanneersut ilaassallutik, tassa Nukaaka Coster-Waldau aamma Kassaaluk Qaavigaq ilaatigut ilaassallutik.
Isiginnaartitsissummik nutaarluinnarmik peqatigiillutik pilersitsissapput, Nunatsinni oqaluttuatoqqat ileqqutoqqallu naapinnerannut tunuliaqutaallutik inuunermi misilittakkat, siunissamullu takorluukkat, naapitsissallugit.
Isiginnaagassiaq takuteqqaarneqassaaq apriilip ulluisa 27-anni, Europamilu illoqarfiit pingaarnersaanni arlalinni, isiginnaartitsinermillu festivaleqartitsinissani, takutinneqartinnani, suli pingasoriarluni takuteqqinneqassalluni.
