Isiginnaagassiaq Borgen USA-mi takutinneqassaaq

Danskit TV-kkut isiginnaagassiaat nangeqattartuliaq 'Borgen' amerikami TV-qarfimmit Link TV-mit, 33 millioninik isiginnaartartulimmit, pisiarineqarpoq.

Isiginnaagassiap Borgen-ip immikkoortuisa ilaanni Danmarkimi ministeriunertut isiginnaartitsisoq, Birgitte Nyborg Nuummukarpoq, Nuummiinnerminilu Naalakkersuisut siulitttaasuat oqaloqatigaa.

Isiginnaassiap immikkoortuani tassani Kalaallit Nunaata Danmarkillu akornanni pissutsit takutinneqarput. Kalaallit Nunaat namminersulerpoq, politikerip danskiusup isumaqataanera tapersersuineralu pissutigalugu, TV-kkut isiginnagassiap immikkoortuani tamanna oqaluttuarineqarpoq.

Isiginnaagassiap immikkoortua taanna Danmarkip Radioata TV-atigut aallakaatinneqarmat, Københavnip Universitetiani  Kalaallit Nunaannut immikkut ilisimasalik Kirsten Thisted pakatsilluni ajuallassimallunilu taamanikkut radioaviisimut oqarpoq.

- Kalaallit namminneerlutik aalajangiisinnaanngitsutut sapililersutullu isigineqarlutik, isiginnaagassiap immikkoortuani takutinneqarput, Kisten Thisted taamanikkut oqarpoq.

Kirsten Thistedip isiginnaagassiap immikoortuani taamatut naliliinera Naalakkersuisut siulittaasuannit Kuupik Kleistimit illuatungiliuttullu siulittaasuannit Aleqa Hammondimit isumaqatiginneqanngilaq.

Isiginnaagassiaq Borgen amerikami TV-kkut isiginnaartartunut 33 millioninit takutinneqarpat,  Angunnguaq Larsen isiginnaagassiami Naalakkersuisut siulittaasuattut takuneqarsinnaajumaarpoq.

TV-kkut isiginnaagassiaq Borgen svenskit, Finlandimiut norskillu tv-qarfiini takutinneqareerpoq. Maannalu Frankrigimeersut Tyklandimeersullu kulturi pillugu TV-kkut aallakaatitsisarfiannit ARTE-mit pisiarineqarluni, aamma Letlandimi Islandimilu TV-qarfinnit pisiarineqareerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat