Japan Isiginnaagassianik suliaqartarfimmut ikuallatsitsisoqareersorlu 33-t ajunaartut

Japanimi Kyotomi aalasulianik isiginnaagassianik suliaqartarfiup ikuallatsinneqarsimassanngatinneqartup sisamanngornermi ikuallannerani minnerpaamik 33-t ajunaarput.

Japanimi naalagaaffiup nutaarsiassaqartitsivia NHK taama paasissutissiivoq.

NHK-p paasissutissiinera naapertorlugu angut illorsuarmut quleriinnut pingasunut benzinamik kuioraatigaluni “toqugit”-mik suaartarpoq. Politiit ilisimagisat malillugit ikuallatsitsisoqarneratut suliaqarput.

Pasineqartoq ikuallannermi ikilersimasoq napparsimmaviliaanneqarpoq. Pineqartoq tassaavoq angut 41-nik ukiulik aalasulianillu suliaqartarfimmi sulisuunngitsoq.

Japanimi titartakkanik isiginnaagassiat nuannarineqarluarput. Aalasulianik suliaqartarfik KyoAnimik taaguuteqarpoq isiginnaagassiallu niviarsiaqqat ilinniarnertuunngorniarfimmiittut aamma “Lucky Star” “Haryhi Suzumiya”lu ilanngullugu ilisimaneqarluarluni. AP taama allaaserisaqarpoq.

Saassussinerussangatinneqartoq Japanimi ukiuni qulikkuutaani marlungajanni toqoraanertaqarnerpaavoq.

Illoqarfiup qatserisartuisa oqaaseqartartuata oqarnera naapertorlugu ikuallattumik takunnittut illorsuup quleriiaavini siullermit qaarpallarujussuartumik tusaasaqarput.

Qatserisartut ikuallattumik akunnerit qassiiusut qamitsiniarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat