Ishockey pinerluttaalisitsinermut atorneqarsinnaavoq

Ishockey pinerluttaalisitsinermut atorneqarsinnaavoq. Nunavimmi oqartussat ishockey-rtitsineq aqqutigalugu inuusuttut atuarfimmiiginnarnissaat angunialerpaat, pinerluttaalisitsinermullu sakkuginiarlugu.

Meeqqat inuusuttullu ikiaroornartulerisarnerat aamma annikillisarniarneqarpoq.

Aviisi Nunatsiaq News taama allappoq.

Olympiadertoqarnermi kuultinnassimasoq, NHL-imillu taaneqartartumi aningaasarsiutigalugu ishockey-rtarsimasoq, 38-nik ukiulik, Joé Juneau, Nunavik Youth Development Program-imut, tassa Nunavimmi inuusuttut ineriartortinneqarnissaat pillugu pilersaarummut, siuttuussaaq.

Joé Juneau, nunallu immokkoortortaata Kativiup oqartussaasuisa suleqatigiinnerisigut, Nunavik Quebec-imilu ishockey-rtartut kattuffiat suleqatigiissinniarneqarput, pilersaarutaavorlu meeqqat inuusuttullu tallimaniit 16-it tungaanut ukiullit pinerluttaalisitsinermi sammineqassasut.

Peqqinnartunik nerisaqartarnissamut, atuarnerminnillu paarsilluarnissamut, meeqqat inuusuttullu ilutigalugu aamma siunnersorneqassapput, Nunatsiaq News allappoq.