Ilisimasassarsiorneq taamatut ittoq aatsaat ingerlanneqalerpoq, Ruslandip Qalasersuarmik piginnittuunerminik anguniagaqarneranut ilaatigut atatillugu. Qalasersuaq uuliamik, gasimik aatsitassanillu allanik pisuussuteqarsorineqarpoq.
Ilisimasassarsiortut aqutsisuat, 67-inik ukiulik, russillu inatsisartuini ilaasortaasoq, Artur Tjilingarov oqarsimavoq, Qalasersuaq Ruslandimit pigineqartoq, piginnttuunerlu takussutissaqartinniarlugu Qalasersuarmukartariaqarlutik.
Aqqartartuaraq Mir angallatigalugu Tjilingarov angalaqataalu marluk Qalasersuarmi Det Arktiske Hav-ip imartaanut 4200 meterinik itissusilimmut aqqarniarput. Ilisimassarsiortut aqqartartumiit silaannarsuup avataaniittumut qaammataasamut Mir-imut oqarasuaatikkut attaveqarniarlutik pilersaaruteqarput.
Aqqartartup Mirip Qalasersuarmut aqqarfissaanut ingerlanerani umiarsuaq sikusiut atomi iluaqutigalugu ingerlatilik ”Akademik Fjordorov” ingiallortigissavaa.
Sikup aakkiartornerata soqutigineqaleriartuinnarnera ilutigalugu, Qalasersuarmilu aatsitassanik piiarneqarsinnaasunik isumallualeruttorfiani, ilisimasassarsiorneq ingerlanneqarpoq.