Suka Pituffik pillugu: Isertuussissalluta isumaqatigiippugut

Pituffimmi kiffartuussinissap isumaqatiginninniutigineqarnera pillugu ukiut pingasungajaat ingerlareersut aatsaat nutaarsiassanik tusagaqarfigineqarnera tallimanngormat ullaakkut oqaluttuaraarput.

Isumaqatiginninniarnerlu pillugu nutaarsiassiisoqartarsimannginnera peqquteqavittoq nunanut allanut tunngasunut naalakkersuisup Suka K. Frederiksenip tusagassiuutinut nalunaarutigaa. Illuatungeriit isumaqatigiinniartut tatigeqatigiinnissaat pillugu nipaarluusimanerarlutik.

AAMMA ATUARUK Pituffimmut tunngatillugu aaqqissuussinerit USA-p akueriumanngisai

Isumaqatiginninniarneq ajornaatsuinnaanngitsoq naqissuserpaa ajunngitsumilli inerneqarnissaa neriuutigissallugu pissutissaqarluartoq naalakkersuisup inernilerpaa.

Suka K.Frederiksenip susassaqarfik Vittus Qujaukitsip akisussaaffigisimasaa siorna apriilimi naalakkersuisuuffigilerneranit Kalaallit Nunaata tatiginassusaa pilerseqqinniarlugu sulisimalluni aamma naqissuseqarpaa.