Isertuussisoqannginnissaa Jonathan Motzfeldtip piumasaraa

NATO aqqutigalugu USA suleqatigivarput, taamaattumik qaartartoq Pituffiup eqqaaniittoq pillugu isertuussisimasariaqanngikkaluarpoq, aamma Kalaallit Nunaat illersugassarivaa, taamaattumik tamanna pillugu nassuiaateqarfigineqartariaqarpugut, taama oqarpoq Jonathan Motzfeldt, Inatsisartut Nunanut Allanut Sillimaniarnermullu ataatsimiititaliaanni siulittaasuugallartoq.
Allattoq Mads Lynge
novembarip 13-at 2008 12:44

- Qaartartumik Pituffiup eqqaani ilumut nassaassaqarpat, mingutsitsisumik, taava Danmarkip, Kalaallit Nunaata USA-llu akornanni erseqqiivissumik isumaqatigiissusiortoqartariaqarpoq, taamatut pisoqartillugu qanoq iliortoqartassanersoq qulakkeerniarneqarsinnaassammat, kingornalu taama pisoqaqqinnginnissaa aamma qulakkeerneqarniassammat, Jonathan Motzfeldt oqarpoq, nangipporlu:

- Ilumuunngitsunik oqaluffigineqassanngilagut. Pinnguarineqassanngilagut. Akuersaarneqarsinnaanngilluinnartumik iliuuseqarfigineqarpugut. USA-p nunattalu akornanni tatigeqatigiinneq annikilliartorsinnaavoq. Inuit inuunerannik akeqarsinnaasumik isertuussisoqassanngilaq, Inatsisartut Nunanut Allanut Sillimaninarnermullu ataatsimiititaliaanni siulittaasumut tullersorti, Jonathan Motzfeldt oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq