Isertortumik paasiniaasartut ilisimatuullu suleqatigiilerput

Silap pissusaata allanngoriartornera pissutaalluni ilisimatuut isertortumillu paasiniaasartut maanna suleqatigiilerput. Sikuiuitsoq Kujallermi Avannalermilu immap sikuanik qaammataasanit assilisat, silap pissusaanik ilisimatusartunit atorneqarsinnaanngorlugit United States Geological Survey-imit saqqummiussisoqarpoq. Atuagassiap Ingeniørenip nittartagaani tamanna atuarneqarsinnaavoq.
Allattoq Oline I. Olsen
juulip 23-at 2009 05:20

Assilisat erseqarissorujussuupput, paasissutissarpassuarnillu ulikkaarlutik. Immap sikuata ingerlaarnera tatsillu sikutaasa aannerat pillugit paasissutissat taamaasillutik ilisimatuunit atorluarneqarsinnaanngorput:

- Periarfissat tamakku nutaat ilisimatuunit atorluarneqassasut ilimagaara, ilisimatooq National Academy of Sciences-imi ilaasortaq Thorsten Markus Ingeniørenimut oqarpoq.

Assit ilisimatuunit taama sukkatigisumik atorneqarsinnaalernerat taassuma uissuummissutigaa.

Ilisimatuut isertortumillu paasiniaasartut avatangiisit pillugit ernumassuteqarnerannik tamanna takussutissiisoq, Peter Gleick, The Pacific Institute-imeersoq oqarpoq:

- Avatangiisit pillugit nunarsuaq tamakkerlugu ajornartorsiutit isumannaallisaanermut attuumassuteqarluinnartut, isertortumik paasiniaasartut alaatsinaaffigiartuinnaraat qularinngilara. Ilisimatuussutsikkullu suliaqartunik annertunerusumik suleqateqarnissaq matumani pingaaruteqarluinnartoq taakku paasisimavaat, Peter Gleick oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq