Isertoq Tiilerilaarlu nunarsuarmut suli attaveqanngitsut
Tasiilap nunaqarfittaanut Isertumut Tiilerilaamullu TV-kkut, radiokkut, internetikkut, mobilikkut VHF-kkullu attaveqaatit septembarip 20-annili attaveerukkamik sulia attavineqqinngillat.
Tusassip teknikerii ajoqutaasumik iluarsaassiartorniarlutik silaqqissinissaa utaqqivaat.
Isertormiut Tiilerilaarmiullu qaqugu attavineqqinnissaat suli nalunartoq Tusassermiut ilisimatitsipput.
- Tassa teknikerigut periarfissaq siulleq sumiiffimmukarniarsaripput, sila pissutigalugu aallarneq ajuleqqagamik. Tasiilami utaqqipput.
Silali qaqugu iluarsissanersoq ilisimaneqanngilaq. Tusassilli teknikerit aqagu nalunaaqutaq 09.00 sila ajunngippat aallarsinnaanissaat neriuutigaa.
Tusassip attaveqaqatigiinnermut immikkoortortaani paasissutissartoq Pipaluk Poulsen taama oqarpoq.
Tusassillu teknikeriisa ornitassaat sakkortusaavik qaqqarsuup qaavaniittoq imaaliallaannarlu tikitassaanngitsoq taassuma oqaatigaa:
- Tunumiippot Kap Tycho Brahemik atilik, sakkortusaavik qaqqap qaavaniitoq, Tasiilap ungasinngisaani. Tassa helikoptereqqaarluni tikinneqarsinnaasoq, Pipaluk Poulsen oqarpoq.
Tusass nittartakkamini ajutoornernut nalunaaruteqartarfimmini allappoq
Tunumi Tusassip sakkortusaavia Kap Tycho Brahemiittoq suli attavininngimmat sinerissami radiomi kanalit 16 aamma 27 Tilerilaap kangerluani nunaqarfinnilu Tiilerilaami Isertumilu suli attaveqanngitsut. Tusassip teknikerii Kap Tycho Brahemukarnissartik utaqqiinnarpaat, ualerulu nalunaaqutaq pingasunut paasissutiseeqqikkumaarlutik Tusass allappoq.
Tiilerilaaq toqqorsivimmit assi. Assiliisoq Bibi Nathansen
