Isertitatta nikinganerat allisoq
decembarip 15-at 2005 05:45
Nunatsinni ukiumut isertitarisartakkagut assigiinngeqaat, naatsorsueqqissaartarfiup nalunaarusiaani tamanna erserpoq.
Isertitat akileraarusigassat agguaqatigiissillugit siorna 2004-mi 304 million koruuninik qaffassimapput.
Ukiumut siulianut naleqqiullutik 4,3 procentimik qaffassimallutik.
Qaffariaatilli sumi najugaqarneq apeqqutaalluni assigiinngeqaat.
Nanortalimmi innuttaasut akileraarutitigut isertitaqarnikkut siuariarfiunerpaaffiusimapput. Tamatumunnga pissutaavoq Nalunami guldtisiortoqalernerata kingunerisaanik suliffissanik nutaanik pilersitsisoqarsimanera.
Kommunini annerni isertitat aamma amerleriarsimapput.
