Isertitat piniartunut tussanersut nalornissutigaa
Naalakkersuisut nannunniartitsisalernissamik pilersaarutaat atuutilissappat aningaasat tuffissaminnut tugatik allanut tussinnaapput. Nunanimi tamalaani piniartitsisarnermi misigisaq akisugaluaqaluni piniartut aningaasarsiakittaqisut misilittakkat takutippaat.
Nunavumi nannunniartitsisarnermi aamma taamaattoq, Birgith Sloth, siunnersuisartoq, CITES-llu uumasunik nungutaalersunik niiverneq pillugu aalajangersagaliaanik ilisimasaqarluartoq oqarpoq.
Nunavumi piniartut akiliisitsillutik nannunniartitsigaangamik taamaallaat 50 aamma 10 procentit akornanni iluanaaruteqartarput. Sinneri piniartitsisartoqatigiinnut suliffinngorsimasunut tuttaramik, aningaasallu piniartunut tunneq ajornerat USA-mi eqqartugaalersimasoq, Birgith Sloth oqarpoq.
Sumiiffinni assigiinngitsuni nunatsinni piniartitsisartussat pimoorussamik piareersaateqartariaqarput, aningaasat akiliutit eqqortumut tunniassammata.
Birgith Slothip namminersornerullutik oqartussat kajumissaarusuppai eqqarsarluaqqullugit. Piniartummi aningaasarsisarnissaat qulakkeerneqartariaqarmat.
Canadami nannuniarusuttut 160.000 koruuninik akiliisarput, Birgit Slothillu naliliinera naapertussagaanni piniartitsisoq ikinnerpaamik 16.000 koruuninik akilerneqartarpoq. Nannuniarusuttartut pisuujunerusarpput amerikamiuunerusut araberilluunniit.
Nunatsinniillu nannunniartitsisalernissamik Omanimi pilerisaaruteqartitsiniarpoq.
