Iserterfigineqarsinnaannguliivipput

Kommunep nalunaaruteqarnera eqquutissappat illut taakkua marluk febuarip ulluisa 15-anni iserterfigineqarsinnaalissapput.

Illut taakkua marluk 2008-imi saneqarlutik aallartinneqarput, illulli atortussai tamakkiisut pigineqanngimmata, inissiaatileqatigiifiup INI A/S-ip attartortissinnaasimanngilai.

Illut atortuisa amigaatigineqarnerat iserterfigineqarsinnaannginerallu pillugit kina imaluunniit kikkut akisussaasuunersut isumaqatigiinngissutaavoq, tamannalu Oqaatsuni innuttaasunit pakatsissutigineqarpoq.

Akisussaaffik assortuussutaavoq, illut sanaartoqarnerannut atortunik pilersuisup Panbo-p aammalu suliffeqarfip Fritze & Søn kiisalu kommuunip akornanni isumaqatigiittoqarsinnaasimanngilaq, Taakkua saniatigut Qaasuitsup kommuneani politikerit atorfilittallu akornanni assortuunneqarluni.

Juullliaqqap unnukkuani nuannersumik tusarliisoqarpoq.

Naatsorsuutigara illut januaarip ulluisa 15-ianni imaluunniit februaarip aallaqqaataanni iserterfigineqarsinnaassasut, Allan Werge inissiaatileqatigiiffimmi INI A/S-imi nunap immikkoortuani pisortaq radioaviisimut 24. decembari oqarpoq.

Ullumi januaarip ulluisa 31-anni Oqaatsuni illut marluk inoqanngittuarsinnaarput.

Illut iserterfigineqarsinnaaneranik siullermeerluni nalunaaruteqartoqarmat paasineqarpoq, illut taakkua iserterfigineqarsinnaangitsut naak kommuni 23 decembari nalunaaruteqaraluartoq iserterfigineqarsinnaasut

Illut iserterfigineqarsinnaanerannik kommunip INI A/S-imut akuersissutaa atorunnaarsinneqarpoq, INI A/S-ip illut misissuiffigereermagit.

Taamanikkut paasineqarpoq, illut atortutigut amigaateqartorujussuusoq.

Illup aappa atortunik 14-inik amigaateqarpoq aappaalu aqqaneq marlunnik.

Maannali illut iserterfigineqarsinnaanerannut isumalluartoqalerpoq, Qaasuitsup kommunia-ni sanaartornermut pisortaq Jan Erik Andersen oqarpoq.

Pisup ajuusaarnartuunera isumaqatigiissutigisinnaavarput. Illuliarineqartuni amigaatigineqartut annikitsuinnaapput, taakkualu naammassineqarpata illut attartortinneqarsinnaalissapput, Jan Erik Andersen oqarpoq.

Amigaatigineqartutuaasoq tassaavoq, kuuffiup iluarsineqarnissaa taannalu

saffissiortut aqagu suliarissavaat, Jan Erik Andersen oqarpoq.

Illut attartortinneqarnissaat februaarip 15-iannut ullulerparput, Jan Erik Andersen oqarpoq.

INI a/s-ip malittarisassai malinneqassappata, inissianut isertertoqarsinnaavoq, qaammatip ulluisa 15-at tikitsinnagu aammalu qaammatip allaqqaataa nallertinnagu. Tassalu imaappoq, siusinnerpaamik februaarip 15-anni isertertoqarsinnaavoq. Saffiortut aqagu Oqaatsunukassapput, sioqqullugulu aallarsinnaasimanngillat, aqqutaani sikusimammat. Jan Erik Andersen Qaasuitstup kommuniani sanaartornermut pisortaq oqarpoq.