Iseriak kiattunngortitseqataavoq

Iseriak issittup silaannartaaniittoq, silaannaap kissakkiartorneranut pissutaaqataasoq ilisimatuut paasisaqarput, putsunik kissartunik toqunartortalinnillu nunani suliffissuaqarfiusuni pujoorfissuarneersunik, silaannaap avataanut ingerlaqqittussaagaluanik unitsitsisarami. Taama USA-mi Utah-p ilisimatusarfiani silaannaap allanngoriartornera pillugu misissuineq inerneqarpoq.

Iseriak seqernup qinnguaasa kissartut nunarsuarmut anngunnissaraluannut assersuisarpoq nunap nillernerulerneranik kinguneqartitsisarluni. Akerlianik putsup nunani suliffissuaqarfiusuneersup mingutsitaasup kissartullu ingerlaqqinnissaraluanut aamma unitsitsisarluni, taamaalillunilu issittumi silaannarmik kissakkiartortitsipiloortitsilluni.

Iseriaap issittumi kissamik seqinermeersumik nunameersumillu assiaqusersuinera pissutigalugu issittumi silaannaq qulisimatilluni siornagumut naleqqiulluni gradinik tallimanik kiannerulersimavoq.

Issittup silaannartaani iseriak nunani suliffissuaqarfiusuneersoq 1750-kkut missaanniilli takuneqarsinnaasalersimavoq.