Isaksen Designip ilusilersugai New Yorkimi tuniniarneqalissapput

Pisiniarfissuaq akimasuut tusaamasallu pisiniarfigisartagaat, New York-imi aqqusinermi Fifth Avenue-imi inissisimavoq. Præsidentiusimasup Bill Clintonip nulia Hillary Clinton aamma filmiliaritittartoq tusaamasaq, Meryl Streep, aalajangersimasumik pisiniarfissuarmi tassani atisanik ilaatigut pisiniartartuupput.

Isaksen Designip atisat ilusilersugai USA-mi tuniniarneqarnissaanut isumaqatigiissuteqartoqarpoq, nunat tamat peqataaffigisaannik Københavnimi atisanik saqqummersitsinerup ingerlanneqarnerani, ippassarlu naggaserneqartumi.

Atisat ilulisilersukkat akimasuut akornanni tuniarneqarnissaata saniatigut Isaksen Design immikkut toqqarneqarlutik New York-imut qaaqquneqarsimapput.

København-imi atisanik saqqummersitsinermi 320-t peqataapput, taakkualu akornanni atisanik ilusilersuisartut qulingiliuat immikkut New York-imut qaaqquneqarput, toqqakkallu ilagaat Isaksen Design.

Pisiniarfissuaq Takashimaya, japanimiunit pigineqartoq, nunarsuarmi tamarmi 19-inik immikkoortortaqarfeqarpoq.