Isak Nielsen Kleist naalakkersuisoqarfimmi pisortanngulersoq

Kommuneqarfik Sermersuumi Suliffeqarnermut Isumaginninnermullu Ingerlatsivimmi pisortap Isak Nielsen Kleistip atorfini qimanniarlugu aalajangerpaa.

64-inik ukiulik Isak Nielsen Kleist Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi pisortatut atorfeqalissaaq.

Taassuma naalakkersuisoqarfimmi maannamut pisortaq Jørn Skov Nielsen, 60-iliinerminut atatillugu upernaaq manna soraarninngorniarluni siorna nalunaaruteqartoq, pisortatut kingoraassavaa.

Jørn Skov Nielsen, Namminersorlutik Oqartussani atorfilittat akornanni nuimanernut ukiorpassuanngortuni ilaavoq, pingaartumik aatsitassanut tunngasuni.

Isak Nielsen Kleist Kommuneqarfik Sermersuumi apriilip ulluisa 30-anni naggammik sulissaaq, stabschefilu Jill S. Hellesen atorfimmut inissikkallarneqassalluni.