Isak Davidsen Ridderkorsimik saqqammiulerneqartoq
![](/sites/default/files/styles/image_934x467/public/isak_davidsen.jpg?itok=pGzKCPOP)
Siumumit politikkeriunikoq maannalu illoqarfinni arlalinni provstiusoq ridderkorsiusumik saqqarmioqartoq takussaasalissajunnarsivoq.
- Soorunami nuannaarpunga aamma nuannaarutissarujussuuvoq uannut aammalu ilaqutannguannut nuliannut, ernuttatsinnut paninnguatsinnullu. Tamanna aamma nuannaarutigisorujussuuarput, Isak Davidsen
Saqqarmiortaani augustusip qaammataani perngaammik atorniarlugu oqaluttuaraa.
- Naatsorsuutigaara siullerpaamik atussallugu oqaluffimmi naggammik naalagiartitsileruma Annaassisitta oqaluaffiani. Augustip tallimaani, taavalu ernutannguara ullormi tassani aamma katitittussaavara. tassa 65-iliillunga.
Isak Davidsenip saqqarmiortaani juuni aallartilaartoq nassiussarsiaraa, tullianilu Danmarkimukaruni Dronningip naapinnissaanut qaaqqusaalluni.
- Dronningip allaffiginikuuaanga Danmarkiliaruma Dronningimukarsinnaasunga, sukkut isissasunga. Taavalu nalunaarfigiinnartussaavakka tassa augustimi Danmarkiliartussaagama naatsorsuutigaara tassani Dronningimut takutikkiartorumaarlunga, Ridderkorsiusumik saqqummiortaaqqammersoq domprovsti Isak Davidsen oqarpoq.