Isaarissat akuersaarneqanngitsut misissuiffigineqalerput

Isaarissallu Kommneqarfik Sermersuumi innarluutillit immikkoortortaqarfiannit akuersaarneqanngitsut iliuuseqarfigineqalerput.

- Tassa ajoraakka, isumaarpunga nipaappallaarsimasugut uagut, Immikkoortortaqarfimmi pisortaq Pauline Abelsen oqarpoq.

Evnike Lyberthip kaassuartaatinik innaallagiartortunik aqulluni Nuummi aqquserngit sermertut aputeqarlualereersullu ingerlaarfigai.

Niuertarfiit illullu iserfigiuminaassinnaasartut, Eunike Lyberth oqaluttuarpoq.

Isaarissat iserfigineqarsinnaanngitsut ajornersaat Evnike Lyberthip tassaatippai Namminersorlutik oqartussat, Jysk, kiisalu Tele Post.

Iserfigiuminartunilli aamma tikkuagaqarpoq, tassa niuertarfik Brugsen isaariaqarpoq kaassuartaatinik atuisunut majorallaffia silippoq, matullu aamma silillutik, tamannalu iserfigiuminarluni ajunngitsoq, Evnike Lyberth oqarpoq.

Illuliornermut malittarisassat 2007-mi atuutilersut piumasaqaatigaat isaarissat majorallaffeqassasut kaassuartaatinut atuisunut aqqutigineqarsinnaanngortillugit kiisalu iseriartorfiit illup qaavinit kuserfigitillugit sermertoorutigineqartassanngitsut.

Nuummi niuertarfiit isaariaasa innarluutilinnut naleqqunnersut misissorneqarumalerput.

-Niuertarfiit isaariaat innarluutilinnut naleqquttuunnginneri iliuuseqarfigineqassasut, Kommuneqarfik Sermersuumi innarluutillit immikkoortortaqarfiani pisortaq, Pauline Abelsen.

- Malittarisassat nutaat tunngavigalugit innarluutillit qamutinik atuisut isertarfinni majorallaffeqassasut, taanna pillugu uagut nipaappallaarsimalluta nassuerutigissavara, Pauline Abelsen oqarpoq. Ataasinngorpallu teknikkikkut immikkoortortaqarfimmit malittarisassat tunngavigalugit niuertarfiit erseqqissaavigineqassanersut misissorneqassaaq.