Irrawaddy-p aarluarsui amerlasuut Bengalip kangerliumarngani siumorneqarput
Aarluarsuit pillugit naggasiutissaqarpugut. Aarluarsuimmi qaqutigoortut 6000-it, Bangladeship avataani Bengalip kangerliumarnganiittut ilisimatuunit siumorneqarsimapput.
Aviisip Politikenip nittartagaani taama allaaserinnittoqarpoq.
Allattoq Mads Lynge
Aarluarsuit pineqartut tassaapput Irrawaddy-p aarluarsui, ikittuinnaat siornatigut takuneqartarsimasut:
- Irrawaddy-p aarluarsuinik siumuineq isumalluarnarpoq, aarluarsuit taakku siunissami takussaanerulernissaannik neriulersitsisoq, Brian D. Smith, Irrawaddy-p aarluarsuinik misissuisoq oqarpoq.
Irrawaddy-p aarluarsui nunarsuarmi qassiunersut ilisimaneqanngilaq, silalli allanngoriartornerata kingunerisaanik ikiliartornissaat aarleqqutigineqarpoq, piniapilunneqarnerallu aamma aarleqqutigineqarluni.
Irraqaddy-p aarluarsua uumasut nungukkiartulersutut nalilerneqartut allattorsimaffiannut siorna ilanngunneqarpoq.