Irlandimiut naaggaarput

Irlandimiut EU-mi isumaqatigiissummut naaggaarput. Irlandimiut naaggaarnerat EU-mut sakkortuumik sunniuteqassaaq.
Allattoq Louise M. Kleemann
juunip 13-at 2008 14:03

Tamannami tunngaviatigut imaammat isumaqatigiissut atorunnaassasoq.

EU-mimi nunat 27-usut tamarmik isumaqatigiissut atulersinneqarsinnaassappat akuersissutigisussaavaat BBC News-ilu malillugu pilersaarut B pilersaarutigineqanngilaq.

Bruxellesimi EU-mi nunat 26-usut allat isumaqatigiissummut missingiummik ingerlatitseqqissanersut pillugit Irlandip akuersaarnerluni nalunaaruteqarnissaa maanna utaqqineqarpoq.

Pilersaarut ingerlatinneqalersussaaq immaqa tassaasinnaavoq EU-mi ilaasortat allat Irlandimut tunngatillugu immikkut aaqqiissuteqarnissaq pillugu isumaqatigiinniarnissaat, taamaalilluni nutaamik taasissuteqartoqarniassammat.

Aappaalu – Irlandimiut naaggaarnerisa kingornagut aaqqiissutissatut eqqarsaatigineqarsinnaanngilluinnartoq – tassaalersinnaavoq isumaqatigiissuteqarniarnermik ingerlatsinermik unitsitsineq, soorlu Hollandip Frankrigillu 2005-imi taamanikkut isumaqatigiissummik unitsitsinerattulli.

EU-mi qullersat aammattaaq sap. akunnerata tulliani Bruxellesimi ataatsimiissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq