Irlandimi siullermik matusisoqarneranut allaanerussutigalugu atuarfiit suliffeqarfiillu allat inuiaqatigiinnut pingaaruteqartut ammasinnaassapput, Irlandimi sanaartornermi suliffeqarfiit taakkununnga ilaapput.Assi: Paul Faith/AFP/Ritzau Scanpix

Irlandimiut angerlarsimaffimminniit ungasinnerpaamik kilometerinik tallimanik angalasinnaatitaasut

Imerniartarfiit matoqqassasut inuillu angerlarsimaffimminnit ungasinnerpaamik kilometerinik tallimanik angalasinnaatitaassasut, Irlandimi killilersueqqinnermi piumasaqaataavoq.

Coronavirus Irlandimi tuniluutilertoqqissimavoq, virusillu siaruatsaalinissaanut killilersuinerit Europami sukannernerpaat maanna atuutsinneqalerlutik.

Irlandimi oqartussat ataasinngornermi unnukkut taama nalunaarput.

Pisiniarfiit pingaaruteqanngitsutut nalilerneqartut matoqqassapput, neriniartarfiillu imerniartarfiillu nerisassanik sassaallissagunik annissassanik taamaallaat neqeroorsinnaatitaassallutik.

Innuttaasut taassuma saniatigut angerlarsimaffimminnit ungasinnerpaamik kilometerinik tallimanik angalasinnaatitaassapput.

Irlandimi oqartussat killilersuinerit sapaatit-akunnerini kingullerni ingerlaavartumik sukateriffigisimavaat, taamaattorli coronavirusimik tunillatsissimasut amerliartulersimallutik.

Irlandimi siullermik matusisoqarneranut allaanerussutigalugu atuarfiit suliffeqarfiillu allat inuiaqatigiinnut pingaaruteqartut ammasinnaassapput, Irlandimi sanaartornermi suliffeqarfiit taakkununnga ilaapput.

Nunat soorlu Frankrig, Belgia Hollandilu coornavirusip tuniluutilertoqqinneranit eqqugaapput, taakkunanilu imerniartarfiit neriniartarfiillu aamma matuneqarlutik, unnuakkullu angerlarsimaannartoqartarnissaa peqqussutaalluni.

Irlandimi coronavirusimik ullup unnuallu ingerlanerani tunillatsissimasut sapaatiummat aatsaat taama amerlatigipput. Ullut qulingiluat ingerlaneranni tallimassaanik taama pisoqarluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat