Irlandimi taasititsinermi naaggaarput
Lissabonimi isumaqatigiissut pillugu irlandimiunik taasisitsinermi inernerit siulliit paasinarsisippaat isumaqataanngitsut amerlanerusut, Irlandimi TV-qarfik, RTE, taama ilisimatitsivoq.
Allattoq Louise M. Kleemann
juunip 13-at 2008 08:06
TV-qarfik naapertorlugu qinersivippassuarniit inernerni takuneqarsinnaavoq isumaqataanngitsut ajugaasut, Lissabonimilu isumaqatigiissut atorunnaassammat EU taamaasilluni ajornartorsiulerpoq.
Tusagassiorfiilli erseqqissaatigaat, kisitsineq suli naammassinngimmat inernerit tamakkiisut ualeru aatsaat paasinarsissasut.
