- Nordirlandimi unammilligassaqarpugut. EU-mut attuumassuteqanngilaq, covid-19-ili qularnanngitsumik peqqutaavoq, tuluit naalagaaffeqatigiififiata Nordirlandimut tunngasuni ministeria Bradon Lewis Times Radiomut marlunngornermi oqarpoq.Assi: Padraic Halpin/Reuters/Ritzau Scanpix

Irlandimi ministeri: Brexit nioqqutissaaleqinermut peqqutaavoq

Coronap nunarsuaq tamakkerlugu tunillaassuunnera nioqqutissaaleqinermut peqqutaanani tuluit naalagaaffeqatigiiffiata EU-mit anineranik peqquteqartoq, ministeri oqarpoq.

Nordirlandimi niuertarfiit ukiortaap kingorna niuoqqutissaateqannginnerujussuat tuluit naalagaaffeqatigiiffiata EU-mi ilaasortaajunnaarneranik peqquteqartoq, Irlandip nunanut allanut ministeria Simon Coveney naliliivoq.

- Niuertarfiit juullilersoq nioqqutissaatilerujussuupput, pilersuiniarnermilli maannakkut ajornartorsiorpugut, tamannalu tuluit naalagaaffeqatigiiffiata EU-mi ilaasortaajunnaarneranik peqquteqarpoq, taanna tusagassiorfimmut ITV-mut oqarpoq.

AAMMA ATUARUK Tuluit inatsisartui atorunnaarallartinneqartut

Nioqqutissaasiviit imaqannginnerujussuat tuluit naalagaaffeqatigiiffiata EU-mit anineranik peqquteqannginnerarlugu, tuluit ministeri arlallit manna tikillugu oqartarput.

- Nordirlandimi unammilligassaqarpugut. EU-mut attuumassuteqanngilaq, covid-19-ili qularnanngitsumik peqqutaavoq, tuluit naalagaaffeqatigiififiata Nordirlandimut tunngasuni ministeria Bradon Lewis Times Radiomut marlunngornermi oqarpoq.

Tamannali Simon Coveneyip oqarnera naapertorlugu eqqunngilaq. Nassiussanik assartuinerit kinguaattoornerat tuluit naalagaaffeqatigiiffiata EU-mit anineranik peqquteqartoq, taanna isumaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat