Irlandimi Avannarlermi ippassaq qinersipput
Irlandimi Avannarlermi inatsisartunut ippassaq qinersisoqarpoq, taasinerillu kisinneqaleruttorput.
Irlandimi Avannarlermi inatsisartut, imaluunniit Stormont-imik aamma taaneqartartoq, 108-inik ilaasortaqarpoq, partiillu illuatungeriit annersaat marluk ataatsimoorlutik naalakkersuisunngortitsisinnaanissaat Irlandimiut tuluillu naalakkersuisuisa neriuutigaat.
Katuullit partiiat Sinn Fein, Tuluit Nunaannit avissaarniartuusut, naaggaartullu partiiat DUP, Tuluit Nunaannut attaveqarniartut, naalakkersuisooqatigiilersinnaanissaat neriuutigineqarpoq.
Marsip 26-aatinnagu Irlandimi Avannarlermi naalakkersuisunngortitsisoqartoqassasoq Irlandimi Tuluillu Nunanni naalakkersuisut piumasaraat.
Taamaaliortoqanngippammi Irland Avannarleq Tuluit Nunaannit aqunneqarniarmat.
Inatsisartunut qinersinerup inernera unnugu paasinarsisinnaassasoq ilimagineqarpoq.