Irena Arctica Ilulissanut Qasiannguanullu anngutissanngitsoq

RAL-ip umiarsuaataata Irena Arcticap Aasiannukarnini pingasunngornermi unnukkut iluatsippaa, umiarsuarli avannamut ingerlaaqqissanngitsoq, umiarsuaatileqatigiiffik paasissutissiivoq.
Assi © : Blå Kors Danmark
Allattoq Kenneth Elkjær
marsip 02-at 2017 13:53
Nutserisoq Connie Fontain

Qeqertarsuup Tunuani kitaaninngaanniit anoreqarneratigut siku annertusiartorpoq, taamaammat umiarsuup sikugussaasinnaanera aarleqqutigineqarmat Irena Arctica sukkanerpaamik kujammukaqqipallattariaqarpoq. RAL nittartakkamini taama allaaserisaqarpoq.

- Tamannalu isumaqarpoq umiarsuaq Ilulissanut Qasiannguanullu ingerlaqqinngitsoortoq. Illoqarfinnut tikinneqanngitsoortunut assartugassat Aasianni usingiarneqarallassapput aatsaallu umiarsuaqaqqippat ingerlateqqinneqassallutik. Atuisulli allamik kissaateqarsinnaapput, RAL allappoq. RAL-ip allannguinertik atuisartuminnut akornusiinissaa ajuusaarutiginerarpaa.