Iranip sakkussiorniarnini taamaatippaa
Nunat tamat aallartitaasa ilungersuuteqarnerisigut Iranip ukiut sisamat matuma siornatigut atomi atorlugu sakkussiorniarnini taamaatippaa.
Amerikamiut isertortumik paasiniasarfii taamatut tusarliipput.
Isertortumik paasiniaasartut ukiut marluk matuma siornatigut oqarput, Iran atomimik sakkussiornermi pissaanilittut inissisimalerniarnini aalajangiusimagaa, Danmarks Radio taama nalunaarpoq.
Ukiut marluk matuma siornatigut Iran pillugu taamatut inerniliineq aallaavigalugu USA Iranimut sukannersumik pissuseqalerpoq.
USA-p taamatut nalunaaruteqarnera eqqumiitsorujussuuvoq, Henrik Breitenbau danskit sakkutooqarnermut tunngasunik ilisimatusarfianni ilisimatooq oqarpoq.
Amerikamiut isertortumik paasiniaasartuisa siornatigut isumaqatigiissutigisaannut naleqqiullugu allannguinerujussuuuvoq.
- Nalunaarutigineqartoq nuannaarutissaavoq, taamaqataanillu isertortumik paasiniaasarfiup sulinera apeqquserneqarluni. 2005-imi kukkusimanersut massakkulluunniit kukkunersut apeqqutaavoq, Henrik Breitenbau Danmarks Radiomut oqarpoq.
