Iranimiut ilaatigut nunaminni illoqarfiit pingaarnersaanni, Teheranimi, tallimanngornermi februaarip ulluisa 21-anni qinersipput.Assi: Atta Kenare/AFP/Ritzau Scanpix

Iranip inatsisartuinut qineqqusaarniartorpassuit qinersinermut ilaatinneqanngitsut

Iranimi atorfilittat qineqqusaartunik ingasattajaartuunngitsunik qineqqusaarnissamik itigartitsigamik USA-mit akuerineqanngitsutut nalunaarneqarput.

Iranimi qinersisartut inatsisartunut, 290-inik ilaasortaqartartunut, ullumi (tallimanngornermi) qinersissapput.

Qineqqusaarniartulli amerlasuut qineqqusaarnissamut itigartinneqareerput, qinersinerlu Iranip nunanut allanut politikkianut Iranip aqutsisuinit taakkualu siuttuannit ayatolla Ali Khameneimit aalajangerneqartartumut sunniuteqarujussuassangatinneqanngilaq.

Taamaalilluni qinersineq Iranip USA-mut atassuteqarneranut allannguinavianngitsoq, USA-p Iranimi sinniisua Brian Hook isumaqarpoq.

Aqutsisunut akerliusut qinersiartunnginnissamut kajumissaarisut

Ali Khameniep qinersinissaq upperisamut atatillugu pisussaanerusutut taavaa, amerlasoorpassuillu qinersiartornissaat nunap aqutsisuisa piumasarivaat. Aqutsisunulli akerliusut qiniarsiartunnginnissamut kajumissaaripput.

Iranip præsidentianut ingasattajaartuunngitsumut, Hassan Rouhanimut, tapersersuisut quliugaangata qulingiluat qineqqusaarnissamut itigartinneqarnerat qinersiartoqqusinnginnermut pissutaavoq. Inatsisartunullu maanna ilaasortat pingasorarterutaat qineqqusaaqqinnissamut itigartinneqarput.

Illuatungiliuttut qinersineq tamat oqartussaaqataanerannik tunngaveqannginneraraat

Taamaalilluni qinersineq tamat oqartussaaqataanerannik tunngaveqanngitsoq, illuatungiliuttut isumaqarput.

- Inatsisartunut ilaasortani immikkoortortaq kisiat pineqarpat, qinersinertut taaneqarsinnaanngilaq, Washingtonimi Arab Gulf States Institutimi ilisimatooq, Ali Alfoneh oqarpoq.

Ayatollap Khameneip inatsisartut katitigaanerat præsident Rouhanimut akerliusunngortillugu allanngortikkusuppaa, ilisimatooq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat