Iranip atomimik qaartartuliornissaa ernummatigaat
Teheranip nunallu killiit aaqqiagiinnginnerat aaqqiiviginiarlugu Persiap Kangerliumarngani USAp iligisai Iranip uranimik akuiariikkamik pisinnaalernissaa anguniarlugu piginneqatigiiffiliornissartik ornigigaat, Saudi-Arabiap nunanut allanut ministeria, prins Saud al-Faisal ullumi oqarpoq.
Allattoq Elisa Isaksen
novembarip 01-at 2007 17:08
Saudi Arabiap nunallu eqqaaniittut – Kuwait, Oman, Qatar, Bahrain Arabiamiullu Emiratit Peqatigiit, aarleqqutigat Iranip urani atorlugu nukissiorfeqalernerata kingunerissagaa aamma atomitortumik qaartartuliornialernerat. Teheranimili naalakkersuisut taamatut pilersaaruteqaratik nalunaarput.
- Kangiani Qiterlermi uranimik akuiariikkamik atuisartunut pilersuisussamik piginneqatigiiffimmik pilersitsinissaq siunnersuutigaarput, Saudi Arabiap nunanut allanut ministeria, atuagassiamut Middle East Economic Digest-imut oqarpoq.
Prins Saud nangilluni oqarpoq Iranip siunnersuut eqqarsaatigeqqaarusukkaa. Siunnersuut akuerineqassappat nunami arlaannaannut attuumassuteqanngitsumi uranimik akuiaaffimmik sanasoqassaaq.
