Trump Iranimut saassussinissaq piffissaq kingulleq atorlugu unitsinneqartoq

USA-p præsidentiata Donald Trumpip Iranimut saassussinissat sumiiffinni assigiinngitsuni pingasuni pisussaagaluartut saassusinissat minutsinik qulinik sioqqullugu peqqissimilluni unitsippai.
Den amerikanske spiondrone, Amerikamiut sakkutuuisa timmisartuat ungasianit aqunneqartartoq Iranimiunit sisamanngornermi saassunneqarpoq Assi © : Darnell T. Cannady / AFP / Ritzau Scanpix
Allattoq Ritzau
juunip 21-at 2019 15:58
Nutserisoq Jaaku Lyberth

USA-p præsidentia attaveqatigiittarfimmi Twiterimi taama allappoq.

Saassussinerinit akiniaanerusussaagaluarput, Iranimiummi amerikamiut sakkutuuisa timmisartuat inuttaqanngitsoq droneq Hormuzip ikerasaani sisamanngormat saassummassuk

Amerikamiut oqarnerat naapertorlugu timmisartoq ungasianit aqunneqartartoq nunat tamat silaannartaaniittoq saassunneqarpoq, Iranimilli oqarnerat naapertorlugu timmisartoq Iranimiut silaannartaaniissimavoq.

USA saassussigaluarpat inuit 150-it angullugit toqutaasaasinnaasut Trumpip paasigamiuk saassussinissaq taamaatippaa, Trump Twitterikkut taama nassuiaateqarpoq.

- Sumiiffinni assiginngitsuni pingasuni saassussinissat ippassaq unnukkut piareersimatinneqarsimagaluarput, inuillu qassit toqutaasinnaanersut generalimut apeqqutigineqarmat taanna akivoq 150-it toqutaasinnaasut.

- Saassussinissat minutsit qulit sioqqullugit unitsippakka, tassami timmisartoq ungasianiit aqunneqartartoq inuttaqanngitsorlu saassunneqarmat akiniutitut tamanna pissusissamisuunngilaq. Ulapinngilanga. Sakkutuugut piareersimapput, Trump allappoq.

Amerikamiut timmisartuata ungasianit aqunneqartartup Iranimiunit sisamanngornermi saassunneqarnera nunat taakkua marluk sivitsortumik aaqqiagiinnginnerannit  aallaaveqarpoq.

Nunat taakkua marluk aaqqiagiikkunnaarnerat annertunerulerpoq, Iran USAllu atom pillugu isumaqatigiissutaannit USA tunuarmat.

Hormuzip kangerliumangata eqqaanni, timmisartup ungasianit aqunneqartartup sisamanngormat saassunneqarfiani najummatsisimaneqarpoq.

Umiarsuit orsussanik usisartut marluk Omanip kangerlimarngani saassunneqarput.

Umiarsuarnut taakkununnga saassussinerit Iranip piliarigai USA isumaqarpoq, Iranimiilli taamaattoqanngitsoq oqaatigineqarluni.

00:02:25