- Ilinniarluarsimasortavut inuartareriarlugit massakkut aqutsisunik taarserpaat, Teheranimi ilisimatusarfiup silataani akerliussutsimik takutitsisut oqarput.Assi: Mona Hoobehfekr/AFP/Ritzau Scanpix

Iranimiut timmisartoq nakkartinneqartoq pillugu akerliussutsimik takutitseqqittut

Aporaattoqartoq, aammillu allaat kuutsitsinertalimmik aporaattoqartoq videomik immiussani takuneqarsinnaasoq, nutaarsiassaqartitsivik Reuters allaaserisaqarpoq. Politiit aallaasersorsimanerarneqarnertik ilumuunnginnerarpaat.

Iranimi oqartussaasut ukrainemiut timmisartuat kukkunikkut nakkartissimallugu nassuerutigereeraallu ataasinngornermi ullut pingajussaannik akerliussutsimik takutitsisoqarpoq.

Iranimi aqutsisut akerliussutsiminnik takutitsisorpassuarnit isornartorsiorneqarput.

- Aqutsisuususi peeritsi, illoqarfimmi Isfahanimi ilisimatusarfiup Iranimilu illoqarfiit pingaarnersaanni Teheranimi ilisimatusarfiup silataanni akerliussutsimik takutitsisut taama nilleqattaarput.

Iranimi illersornissaqarfiup inuit 176-it ajunaarnerannik kinguneqartumik Ukrainemiut timmisartuannik kukkuluttornermigut nakkartitsisimanini arfininngornermi nassuerutigereeraalu akerliussutsimik takutitsinerit aallartipput.

AAMMA ATUARUK Timmisartoq kukkusoqarneratigut nakkartinneqartoq Iranip nassuerutigaa

Ulluni kingullerni akerliussutsimik takutitsisoqarnerani inuit aqqunartitertut ikilerneqartullu videomik immiussami assinilu takuneqarsinnaapput eqqarpalunnerillu aamma tusaaneqarsinnaallutik.

Iranimili oqartussaasut akerliussutsiminnik takutitsisut tungaannut eqqarsimannginneranertik attappaat.

- Illoqarfiit pingaarnersaanni Teheranimi politiit eqqaqquneqarnikuunngimmata politiit akerliussutsimik takutitsisoqarnerani qularnanngivissumik eqqanngillat, Teheranimi politiit pisortaat, Hossein Rahimi, oqarpoq.

Iranimiut amerikamiut Irakimi sakkutooqarfiinut marlunnut Amerikamit Danmarkimillu sakkutuuliiffigineqarsimasunut qaartartumeerereersullu ukrainemiut timmisartuat nakkartippaat.

USA-p Iranimi sakkututuut naalagaanertaanik pissaaniliusumik, tassa Qassem Soleimanimik, inuartarinninnerata kingunerisaanik iranimiut USA-mut akiniaallutik saassussipput.

Iranimi musliimit 1979-imi kunngiitsuuffinngortitsillutik mumisitsinerisa kingorna Iranip USA-llu akornanni aatsaat taama ajortigisumik najummassimanartorsiorput.

AAMMA ATUARUK Oqartussat salluliornerat akerliussutsimik takutitsivigineqartoq

Iranimiulli iluminni aamma najummassimanartorsiorput.

- Kisermaassilluni naalakkersuisoq inuartarineqarli, inuit ataasinngornermi akerliussutsimik takutitsinerminni nilleqattaarneranni videomik immiussat nittartakkakkut attaveqatigiittarfinni siammarterneqarsimasut takuneqarsinnaapput.

Akerliussutsimik takutitsisut, ayatollah Ali Khamenei Iranimi 1989-imili siulersuisuni akimanerpaajusoq, avoqqaaraat.

- Ilinniarluarsimasortavut inuartareriarlugit massakkut aqutsisunik taarserpaat, Teheranimi ilisimatusarfiup silataani akerliussutsimik takutitsisut oqarput.

Iranimiorpaaluit ilinniartut timmisartumi pingasunngormat nakkartumi issimapput. Taakkunani amerlasuut Candami ilinniartuusimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat