Qassem Soleimanip toqutaasimanera Iranip sakkutuuisa uppernarsarpaat.Assi: Scanpix

Iranimiut sakkutuuisa naalagaat amerikamiunit toqutaasoq

Amerikamiut Irakip illoqarfiisa pingaarnersaanni Bagdadimi qaartartumeerimmata Iranimiut sakkutuuisa naalaagaasa ilaat toqutaavoq. USA-p illersornissaqarfiata Pentagonip tamanna ilisimatitsissutigigaa nutaarsiassaqartitsiviup Reutersip allaaseraa.

Sakkutuut naalagaasa ilaat Qassem Soleimani saassussinermi toqutaasunut ilaavoq.

USA-p saassussinissaa præsidentip Donald Trumpip naalakkiutigigaa nutaarsiassaqartitsiviup AFP-p allaaseraa.

- Amerikamiut Irakimi Kangia Qiterlermilu atorfilittaannik aallartitaannillu saassussisoqarnissaanik, sakkutuut naalagaat Soleimani pilersaarusiuleruttortoq saassunneqarpoq, Pentagon taama allaaserisaqarpoq.

USA-p erfalasua assitaliullugu allamik allannani Trump Twitterikkut saqqummiussaqartoq nalunaarutigineqarpoq.

Qassem Soleimanip toqutaasimanera Iranip sakkutuuisa uppernarsarpaat. Saassussinermut akisussaasuusut Iranimit sakkortuumik akiniarneqassasut, Iranip qullersaata Ayatollah Ali Khameneip mianersoqqussutigaa.

Iranimilu ulluni pingasuni aliasuttoqarnissaa taassuma saniatigut nalunaarutigaa. Ali Khamenei Twitterikkut ullaaq manna taama allaaserisaqarpoq.

Bagdadip timmisartoqarfissuata ungasinngisaani tallimanngornermi ullaakkut saassussisoqarpoq, biilit marluk raketinit igeriuttakkanit eqqorneqarlutik.

Inuit allat Soleimanip saniatigut aamma toqutaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat