Iranimiut killitsissiatut pasineqartut parnaarussaasut
Februaarip ulluisa 13-iata tungaanut immikkoortitaallutik parnaarussaassapput.
Eqqartuussisoq Roskildep eqqartuussiviani nalunaaquttap akunnerini arlalinni eqqartuussinerup politiinit ikinngitsunit najuuffigineqartup kingorna taama aalajangerpoq.
Angutit pingasut taakkua Saudi-Arabia sinnerlugu Danmarkimi 2012-imiit 2018-imut kilitsissiatut sulisimasutut pasineqarput.
Danmarkimilu nunanilu allani inuit ataasiakkaat suliffeqarfiillu pillugit paasissutissanik ilaatigut katersisimapput, katersatillu saudiarabiamiut isertortumik misissuisartuinnut ingerlateqqittarsimavaat.
AAMMA ATUARUK Eksil-iranere nægter spionage for Saudi-Arabien i Danmark
Angutit taakkua ASMLA-mi - Iranip sakkutuuinut saassussisimasutut Iranimi naalakkersuisuinit pasillerneqartumi - siuttuupput.
Angutinut taakkununnga unnerluussutigineqartut angutillu taakkua eqqartuussaanerminni pinngitsuunerartut tusarnaartunit tusagassiortunillu taamaallaat tusaaneqarsimapput.
Tamanna inatsit tunngaviusoq naapertorlugu killisiuinerup sinnerani eqqartuussinerup matoqqasumik ingerlanneqarneranik pissuteqarpoq.
