Iranimiut kilitsissiatut pasineqartut pinngitsuunerartut
ASMLA-mi siuttut pingasut Saudi-Arabia sinnerlugu kilitsissiatut 2012-imit 2018-ip tungaanut sulisimasutut pasineqarlutik Danmarkimi tigusarineqartut pinngitsuunerarput.
Kilitsissiatut suliaqarsimasutut pasineqartut paarigallagassanngortinnissaat, unnerluussisup, Rune Rydikip piumasarigaa, Roskildep eqqartuussiviani saqqummiunneqarpoq.
Angutit pingasut Saudi-Arabia sinnerlugu kilitsissiatut 2012-imit 2018-ip tungaanut sulisimasut, politiit isertortumik paasiniaasartuisa ataasinngornermi tusagassiortunik katersuutitsinerminni ilisimatitsissutigaat.
AAMMA ATUARUK Angutit pingasut Saudi-Arabia sinnerlugu killitsissiatut pasineqarlutik unnerluutigineqartut
Angutit pingasut Saudi-Arabia sinnerlugu 2012-imit 2018-imut kilitsissiatut sulisimasutut pasineqarlutik tigusarineqartut, Politiit Isertortumik MIsissueqqissaartartuisa ataasinngornermi tusagassiortunik katersortitsinermi ilisimatitsissutigaat.
PET-imit oqaatigineqartoq naapertorlugu taakku inuit ataasiakkaat Danmarkimilu nunanilu allani suliffeqarfiit pillugit paasissutissanik ilaatigut katersisimapput, taakkulu saudiarabiamiut isertortumik misissuisartuinnut ingerlateqqittarsimavaat.
Marlunngornermi eqqartuussinermi unnerluussisussaatitaasup pasilliutigineqartut atuarmagit Ringstedimi najukkanit assigiinngitsunik ilaatigut kilitsissiatut suliaqartarsimasut paasissutissiissutigineqarpoq.
