Iranimiut, Israelimut USA-mullu qununatik takutinniaannarpaat

Københavnip Universitetiani nunanut allanut politikki pillugu immikkut ilisimasalik, Peter Viggo Jakobsen oqarpoq pissutsit najummassimanarnerulernerannik maanna pisut isigineqartariaqanngitsut. Amerikamiut Israelimiullu Iranimiut atomitalinnik sakkuliorsinnaanerat ukiuni arlaqalersuni aarlerissutigereerpaat, imminnullu qunusaaruteqattaannerat nutaajunngilaq. Iranip maannakkut qaartartunik igeriusseqattaarnera, Israelimiut saassussisinnaanerminnik qunusaareqattaarnerat pissutaavoq. Israelimiummi sakkutuuminnik sungiusaanerminnut atatillugu aamma takutereerpaat timmisartuutitik sorsuutit Iranimut saassussiartoriarlutik angerlamut apuussinnaasut. Israelimiut qunusaareqattaaraluartut Iranimiut akiniaasinaanerminnik takutitsereermata arlaannaataluunniit saassussinissaa ilimananngilaq, Peter Viggo Jakobsen oqarpoq. USA-mi nutaamik præsidentinngortoqartinnagu qunusaaruteqattaattut arlaannaataluunniit saassussinissaa, Peter Viggo Jakobsenip ilimaginagu oqarpoq.