Iranimi sakkussialiortut asuli pututitsiniaapput
Israelip Libanonimilu Hizzbollah-kut sorsuunnerat Kangiani Qiterlermi pissaaneqarniunnermut tunngavoq, Iranimili pissutsinik ilimannilluartoq oqarpoq, Iranimi atomip nukinga atorlugu sakkussialiorniarnerup nunarsuarmioqatitsinnit tamanit maluginiarneqarunnaarnissaa tunuliaqutaasoq.
-Hizzbollah-kut Libanonip kujasissuani sakkutuui tassaaginnarput suaramineeraarannguit, tassami Iranip piffissamik annaassiniaannarluni nunarsuarmioqatigiit Iranip putusaarpai.
Taama oqarpoq Illersornissamut Ilinniarnertuunngorniarfimmi sulisoq, Iranimilu pissutsinik ilisimasaqarluartoq, Ali al Fonei.
Nangipporlu:
- Kangiani Qiterlermi sumi tamaani aaqqiagiinngittorpassuaqarpoq, tamakku malugiarneqarujussuarneri iluatsillugit atomip nukinga atorlugu Iranip sakkussialiliornini eqqissilluni maluginiarneqarnanilu ingerlassinnaavai.
Hizzbollah Iranip ’80-kkunni pilersippaa, sakkutooqarnermullu 3-400 millioni dollarsinik ukiumut aningaasaliisarpoq. Hizzbollah-kut sakkutuuinik sorsuttartunik Iran aamma sungiusaasarujoq, Hizzbollah-kullu pisortaanut allaat Iranimi anersaakkut sorsunnissamullu aamma sungiusarneqarnikuuvoq, puigornagulu, Hizzbollah-kut qullersaanni atorfilittat aamma iranimiuupput! Taamaammat oqartariaqarpugut, Hizzbollah-kut iliuusaannut tamanut Iran sunniutilerujussuuvoq, Ali al Fonei oqarpoq.
Taanna aperaarput, Hizzbollah-kut qaartartumeerisaqattaartillugit Iranip suna anguniarneraa.
Atominik sakkussialiornermi nunarsuaq tamakkerlugu Iran nukittunersanngortussaavoq. Taamaattoq Iranip atominik sakkussianik siaruarterinissaa USA-mit, Israelimit Europamilluunniit kissaatigineqanngilaq. Soorlu Libanonimi ajornartorsiornerit ajorsitsaarutigiiaurtuannguarlugit, iranimiut akornusersorneqannguaratik atomip nukinga atorlugu sakkussialiortuarsinnarput, Ali al Fonei naggasiivoq.
