Iranimi qinersineq suli qassiiliutaavoq
Ministerinik tunuartitsinerit eqqumiigineqarsinnaapput, tassami ministerit tunuartinneqartut Iranimi aqutsisut qullersaannut Ayaltollah Ali Khamenei-mut qaninnerpaatut taaneqartarput, Amerikami aviisimi Washington Postimi naliliisartoq oqarpoq.
Tunuartitsinerillu præsidentip Mahmoud Ahmadinejadip akiniaanerattut taaneqarsinnaapput, taassumammi præsidentimut tullersortissani Esfandiar Rahim Mashaie tunuaqqusariaqareerpaa. Ayatollah Ali Khameneip sapaatip akunnerata siuliani allagaqarluni saqqummiummagu, præsidentip tulliattut toqqarneqartoq akuersaarneqarsinnaanngitsoq. Tassami Esfandiar Rahim Mashaiep iranimiut inuit tamarmik sumiuugaluarpataluunniit ikinngutigigai ukioq kingulleq oqarpoq, aamma Israelimiut, taamatullu oqarnera Ayatollah-mit iluarineqanngilaq.