Iranimi eqqissiviilliortut

Akerliussutsimik takutitsisut taamaaliornermikkut Amerikamiut aallartitaqarfiata Teheranimiittup tiguarneqarneraniit ukiut 30-nngornerata Iranip "Saatanersuarmut" ajugaaneratut taaneqartup, malunnartinniarneqarnissaanik naalakkersuisut kissaataat malikkumanngilaat. Akerliussutsimik takutitsisut 1000-ilikkuutaartut USAp- ikiuiniarnera pitsaanerutikkaluarpaat, tamannalu pillugu pillarneqarlutik.

Nunarsuarmi nunani tamani eqqissineqarnissaa pitsaasumillu pissuseqarnissaq kissaatigaarput, taama nalunaaruteqarpoq 48-nik ukiulik Shirley ullaap tungaani inuit 1000-ilikkaat peqatigalugit Teheranimi angalaartoq. Maanna taanna angerlartinneqarsimavoq. Akerliussutsimik takutitsisut politiinit tigusarinninnikkut gassillu qulliliornartup atorneratigut avissaartinniarneqaraluarput, eqqaassisoqarneralu oqatsiaatigineqaraluartoq Shirley-ip akerliussutsimik takutitseqatimi eqqaanneqarsimasinnaanerat qularinngilaa. Taakkua nal. akunnerini 24-ni maaniinnarput, amerlaqaallu, taama oqaluttuarpoq. Taanna aneqqinniarpoq annilaangajumananilu. Ukiuni 30-ni atukkavut ajorsimaqaat, maannakkullu qanoq iliussanerpugut. Inuit akerliussutsimik takutitsisunut akuliuteqqunagit naalakkersuisunit sioorasaarneqarsimagaluarput, Shirley-llu ikinngutai marluk kinaassutsiminik isertuussisumit ippassaq sms-inik tigusaqarsimallutik, nalunaarutisiaannilu allassimalluni anissanngitsut. Ullumikkut taamaattunik tigusisinnaanngillalluunniit. Juunimi qinersisoqarnerani akerliuniartoqarmalli akerliussutsimik takutitsisut imminnut attaveqatsaaliniarlugit mobilitigut kalerrisaarutit naalakkersuisunit matuneqarsimapput.

Ukiorpassuanngortuni Iran juunimi naalakkersuisunut akeqqersimaarlutik akerliussutsimik takutitsisunit aatsaat taama annertutigisumik nalaanneqarpoq. Tamanna pivoq Mahmoud Ahmadinejadip Iranimi præsidentitut qinigaaqqinnerata kinguneranik.