Iranimi eqqissiviiliortoqarpoq
Iranimi naalakkersuisunut illuatungiliuttup Mirhossein Moussavip soraluaa Ali Moussavi toqutaasunut ilaavoq.
Iranimi pissutsinut nutartererusuttut nittartagaanni allaaserisat naapertorlugit illuatungiliuttup soraluaa Ali Moussavi, 20-nik ukiulik, napparsimmaviliaanneqarsimagaluarpoq toqoreersimallunili.
Iranip illoqarfiisa pingaarnersaanni Teheranimi eqqissiviilliornerit illoqarfinnut allanut siaruaapput, illloqarfiit Isfahan, Najafabad aamma Babol eqqissiviilliorfiugamik.
Iranimi præsidentimut juunimi qinersisoqarmat eqqissiviilliornerit aallartipput, islamisiortut ukiut 30-t matuma siornatigut pissaanermik tigusimmatali eqqissiviilliornerit aatsaat taama ingasatsigalutik.
Akerliussutsiminnik takutitsisut 70-it taamanikkut toqutaapput.