Nunanit allanit

Iranimi arnat 1100-t qinigassanngortipput

Iranimi inatsisartunut februaarimi qinersisoqarnissaanut, arnat aatsaat taama amerlatigisut qinigassanngortipput.
Assi © : Hossein Ghodsi
Allattoq Ritzau
decembarip 26-at 2015 11:55

Inatsisartuni issiaviit 290-iupput, qinigassanngortittunit 12.000-iusunit, taakkunannga arnanit 1.100-nit tassa pilerngunneqartussanngorlutik.

Iranimi nunamut namminermut ministeriaqarfik taama nalunaarpoq.

Taakku aamma nalunaarput qinigassanngortittut aatsaat taama amerlatigisut.

Arnat qinigassanngortittut pingasoriaammik amerlanerit

Kingullermik Iranimi 2012-imi qinersisoqarmat, inuit 5.000-it taamaallaat qinigassanngortipput. Arnat maanna qinigassanngortittut 2012-mut naleqqiullugu pingasoriaammik amerlanerullutik.

Iranip inatsisartuini arnat quligiluat maanna ilaaasortaasut, nutaarsiassaqartitsivik, NTB allappoq.

Qinersinissami qinigassanngortittut amerlaneri pissutigalugu, sassarnissamut nalunaarnissaq ulloq killiliunneqarsimasoq arfininngornermut kinguartinneqartoq, nunamut namminermut ministeriaqarfik allappoq.

Iranimi inatsisartunut februaarip 26-anni qinersisoqassaaq.

Aamma atuaruk