Iranimi akerliuniat pillagaaqquneqalerput

Palasit oqaaseqartartuata Ahmed Rhatamip akerliussutsiminnik takutitsisut toqumut pillaqqullugit sukataarpoq:

- Inatsisinik atortitsisuvut qinnuigaavut akerliussutsiminnik takutitsisut siuttui amiilaarnartumik toqumut pillarneqarnissaat, akerliussutsiminnik takutitsisut ilinniutiginiassammassuk.

Akerliussutsiminnik takutitsisut siuttui guutimut akerlilersuisutut taavai, ajortuliornerarlugillu toqumik kinguneqartinneqartariaqartut.

Nunami allamiut, pingaartumik amerikkamiut israelimiullu pasivai akerliussutsiminnik takutitsisunik aqutsisuunerarlugit.

Taamatulli pasilliinerit nunat pisuunerpaat G8nik taaneqartartut ullumi Italiami ataatsimiinnerminni taamaattoqannginneraalluinnarput.

Tuluit nunanut allanut ministeriata Millibanip piumasaarsornerunerarpaa:

Akerliussutsiminnik takutitsisut arnaq inuusuttoq, inuunermik pilliuteqarnerminnut pingaartiligaat Nedda, palasinit aqutsisunit toqunneqarneragaavoq.

Ullumilu akerliussutsiminnik takutitsisut pullattakkanik qullartitsiniarput allagartalinnik: "Nedda, akornatsinniittuassaatit!".