Iraniliarnissaq taamaatinnarneqarpoq
Iranip aallartitaata ataatsimiittartunut allagaqaateqarnermi kingorna Iraniliarnissaq taamaatiinnarneqartoq, ataatsimiittartut siulittaasuat Gitte Lillelund Bech, Venstreneersoq, taamaatitsiinnarnermik nalunaaruteqarpoq.
Muaamaamik mitaatiginnilluni titartakkat naqeqqinneqarnerannut danskit politikeriisa assuarinninnissaat Iranimit piumasarineqartoq, allagaqaammi atuarneqarsinnaavoq.
Iraniliarnissap siunertarisaa uniorlugu Muaamaamik mitaatiginnilluni titartakkat qitiutinneqarpallaalernissaat annilaanngatigigitsik, ataatsimiittartut siulittaasuat oqarpoq.
Titartakkat danskit politikeriinit assuarineqarnianngillat, siulittaasoq oqarpoq:
- Killiligaanani oqaaseqarsinnaatitaaneq ataqqineqartariaqarpoq, Gitte Lillelund Bech oqarpoq.
Folketingip nunanut allanut tunngasunik ataatsimiittartui arfineq-pingasunik ilaasortaaffigineqartoq, ulluni sisamani Iranimiittussaagaluarpoq.