- Iranimit USA-mut saassussinerit tamarmik Iranimut saassussinermik tuusinteriaammik sakkortunerusumik akineqassapput. Donald Trump Twitterikkut ilaatigut taama allappoq.Assi: Mandel Ngan/AFP/Ritzau Scanpix

Iran saassussissappat sakkortuumik akiniaanissaq Trumpip sioorasaarutigigaa

Iran USA-p sakkutuut naalagaannik toqutsineranut akiniaanissamik immaqa pilersaaruteqarpoq. Trump sakkortuumik akiniaanissamik neriorsuivoq.

Iran saassussissagaluarpat sakkortuumik akiniaanissaq, Trumpip neriorsuutigaa.

Iran USA-p Iranimi sakkutuut naalagaannik Qasem Soleimanimik toqutsineranut akiniaanissamik pilersaaruteqartoq pillugu allaaserinnittoqareersoq, USA-p præsidentia Twitterikkut taama allappoq.

Iran USA-p Sydafrikami aallartitaanik præsidentimut novembarip ulluisa pingajuanni qinersisoqannginnerani toqutsinissamik pilersaaruteqartoq, USA-mi tusagassiuut atorfilittanik kinaassutsiminnik isertuussisunik issuaasoq allappoq.

AAMMA ATUARUK Soleimanip kingoraartaata USA-mut akiniaanissartik neriorsuutigigaa

- Tusagassiiuutini allaaserineqartut naapertorlugit, Iran peqqarniisaarniat siuttuannik Soleimanimik toqutsinermut akiniaaniarluni USA-mut saassussinissamik pilersaaruteqarpoq, Donald Trump Twitterikkut allappoq.

- Iranimit USA-mut saassussinerit tamarmik Iranimut saassussinermik tuusinteriaammik sakkortunerusumik akineqassapput, nangilluni allappoq.

62-inik ukiulik Qasem Soleimani Iranip sakkutuuinut paarsisunut siuttuusimavoq, Iranimilu pissaaneqarnerpaat ilaanniissimalluni.

Timmisartuaraq ungasianit aqunneqarsinnaasoq atorlugu USA-mit saassussinermi jannuaarip aallartinnerani toqutaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat