Iran raket-imik avataarsuanut igeriussivoq

Iran siullermeerluni ullumi raket-imik avataarsuatsinnut igeriussisimavoq. Ilisimatuussutsikkut sulinermut atatillugu raket igeriunneqarsimanerarpaat. Iran nunallu killiit akornanni najummatsisimaarnerisa nalaani tamanna nalunaarutigineqarpoq,. Nunat killiit Iran-ilu najummatsisimaarnerannut pissutaavoq, Iran-ip atom atorlugu pilersaarusiornera.

Raketti igeriunneqartoq 150 kilometerinik qutsitsigisumut annguppoq, taamatut oqarpoq, Iran-imi avataarsuaq pillugu ilisimatusarfimmi pisortaanerup tullersortaa Ali Akbar Golroy.

Taassumap raketti ilisimatusarnermi naleqqatut atorneqartussatut oqaluttuaraa...kigaallassaaserlunigooq nunarsuatsinnut utertussaq.

Rakitsi Ilisimatuussutsikkut illersornissamullu ministereqarfimmeersunit atortunik useqarsimavoq, taamatut oqarpoq,avataarsuanut igeriussisarfimmeersoq Mohsen Bahrami.

Taassumali rakitsip userisimasai annertunerusumik oqaluttuarsisinnaasimanngilai, Iran-imiulli naalagaaffiata tv-atigut igeriussineq suli takutinneqarsimanngilaq.