Iran pillugu isumaqatigiinneq ajuleqqapput
Iranip atomip nukinganik nukissiorneranik unititsiniartut nunat arfinillit maanna qanoq ingerlaqqinnissartik isumaqatigiissutigineq ajuleqqavaat.
Iranip killilersuiffigineqarnissaa maanna Frankrigip præsidentiata Jacques Chirac isumaqatiginnaarpaa:
- Isumatiginniarnitta nalaani Naalagaaffiit Peqatigiit akuliunneqannginnissaat Iranilu killilersuisoqarnissaa pinngitsoorniarlugu atomi atorlugu nukissiornini unitsikkallassagaa kissaatikka, Frankrigip præsidentia oqarpoq.
Taamatut oqarneq Amerikami naalakkersuisut suliniutaannut akerliuvoq.
USA-p aallartitaa Naalagaaffiit Peqatigiinni sulisoq oqarpoq:
- Iranimiut atom atorlugu nukissiornertik unitsinniassammassuk killilersuisoqarnissaa aalajangiussimavarput. Unitsinnianngippassuk Naalagaaffiit Peqatigiit isumannaallisaaniaqatigiivi ikiortiserissavagut, USA-p aallartitaa oqarpoq.
Iranimiut atom atorlugu qaartartuliorniartut nunat allat ernummatigaat iranimiulli erseqqissaajuarput atom nukinga atorlugu nukissiortarlutik.
- Europamiut amerikamiullu isumaqatigiinnginnerat iranimiut manna qiimmattaatigigunaraat ilimangaara. Nunat allat imminnut assortuunneranni iranimitu eqqissivillutik akuliuffigineqannguaratillu atom atorlugu nukissiorsinnaalerput, Iranimi pissutsinik immikkut ilisimasalik Københavnillu Universitetiani ilisimatusartoq naggasiivoq.
