Iranip atomi atorlugu pilersaartutai annilaanngatigineqaqisut unitsinniarsarineqarput.
EU-mi nunanut allanut tunngassuteqartunut pisortaq, ataatsimeeqatiginnikkiartorluni maanna Iranip illoqarfianut pingaarnermut Teheran-imut ornigutilerpoq.
Atomi atorlugu nukissiuteqarniarneq Iranip unitsissappagu akissarsiassartaqassaaq.
EU-p nunanut allanut tunngassuteqartunut pisortaa Javier Solana Iranimut sapaatip-akunnerata tulliani tikeraassaaq isumaqatiginninniariartorluni. Isumaqatigiinniarnermut suleqataasut Kina, USA Ruslandilu, aammalu EU-mi ilaasortat nunat anginerit, tassaasut Tuluit Nunaat, Frankrig Tyskland-ilu sapaatip-akunnerani kingullermi Wien-imi isumaqatigiipput, Iran isumaqatiginiarneqassasoq, tusaajumassappallu aningaasarpassuarnik nalilinnik isumaqatigiissuteqartoqassasoq, ilaatigut niueqatigiinnikkut pitsaanerusumik Iranimik periarfissiinikkut. Iranimut aamma neqeroorutigineqarpoq atomi atorlugu nukissiuuteqarnermut ilitsersuunneqassasoq. USA-mit nalunaarutigineqarpoq, neqeroorut akuerineqassappat sukkanerpaamik akineqassasoq.