Irani nunat killiit Kangia Qiterlermi soqutigisaannut aarlerinartutut USA-mit taaneqarnerata kingorna imminnut naalakkersinnaanermik takutitsisimasoq nunanut allanut tunngasunut ministeri Zarif oqarpoq.Assi: Blondinrikard Foberg/Flickr Creative Commons

Iran atomip nukinganik atuisinnaaneq pillugu isumaqatigiissut pillugu kaammattuuteqartoq

Iranimi ministeri nunarsuup ilaani ineriartornertut ulorianartutut taasani pillugu Kinami politikerinik oqaleqateqarpoq.

Iranip nunanut allanut tunngasunut ministeriata Mohammad Javad Zarifip nunat allat ikinngutitut taasamik, ilaatigut Kinap Ruslandillu atomip nukinganik atuisinnaaneq pillugu isumaqatigiissummut atorunnaaratarsinnaasumut illersuinissaannik kaammattorpai.

Zarif Kinamut tikeraarnermini nunarsuup ilaani najukkamini ineriartorneq ulorianartupilussuaq pillugu kinami politikerinik oqaloqateqarniarluni oqarpoq.

- Nunarsuarmioqatigiit nunallu allat isumaqatigiissummut atsiornikuusut, ikinngutigullu soorlu Kina Ruslandilu, una isumaqatigiissut atuutsiinnarusukkunikku, taava Iranimi innuttaasut isumaqatigiissummit iluaquserneqarnissaannik qulakkeerinninnissamut pisinnaasaminnik iliuuseqartariaqarput, Zarif Beijingimiitilluni tallimanngormat oqarpoq.

Aamma nunat allat isumaqatigiissummut atsiornikuusut Iranimik sumiginnaasimanerarpai.

Irani nunat killiit Kangia Qiterlermi soqutigisaannut aarlerinartutut USA-mit taaneqarnerata kingorna imminnut naalakkersinnaanermik takutitsisimasoq nunanut allanut tunngasunut ministeri Zarif oqarpoq.

AAMMA ATUARUK Trumpip Iranimut atomi pillugu isumaqatigiissummit USA peqataajunnaarsikkaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat