Irakimi sakkortunerusumik aporaatinnginnissaq pinngitsoortinniarneqarpoq
Muamaamik upperisallit marluinngorlutik avissaaraluttuinnartut Shiasiortut Sunnisiortullu sakkortunerusumik aporaatinnginnissaat pinngitsoortinniarneqarpoq. Ullut kingulliit marluk akiniaaqattaarnerni inuit 150t sinnillit toqutaapput.
Irakimi naalakkersuisut peqqusinerasigut nalinginnarmik Baghdadimi eqqaanilu ulluunerani innuttaasut aneqqusaajunnaarput; sumiiffiimmi taakku
eqqissiviilliorfiunerpaapput.
Avataanit Baghdadimut iserniat tamarmik unitsinneqartarput. Baghdadip kujataani ilaqutaariit shiasiortut, pingasunik inersimasortallit marlunnillu meerartallit sussuteqanngivissut aallaarsarineqarsimapput. Ullut kingulliit akiniuteqattaarnerup kingunerisaanik inunnik ataasiakkaanik, eqimattakkaanillu toqungasunik eqqaavissuarni, sanaartorfinnilu nassaartoqartalerpoq.
Baghdadip immikkoortuani shianit najugaqarfigineqartumi angutit sakkulisarsinnaasut tamarmik tamani tamaani angallapput.
Usama bin-Ladenip malittaasalu anguniagaat - tassalu Irakimi paatsiveerulluinnartoqarnissaa, Muamaamilllu upperisallit biibiliat malillugu ingasattajaartumik paasinnittut – shiasiortut minillugit - Irakimi pissaaneqalernissaat qalliartorpoq.
