Irakimi qinersisinnaasut 19 millioniusut aqagu qinersiartukaassapput

Qinersisoqartussanngornera nunami tassani nakuusernerulernermik kinguneqarpoq.

Nutaarsiassaqartitsiviup Reutersip allaaseraa, Irakimi illoqarfimmi illernartuutitami Najaf-imi biili ullumi qaartinneqarmat, Irakimiut sisamat toqutaasut 50-illu ikiligaallutik. Ulluni kingullerni qaartitsisaqattaarnertigut ikinnerpaamik 49-t toqutaapput maannalu Reutersimit oqaatigineqarpoq, nakuusernerup annerulernissaa Irakimiunit ernummatigineqartoq.

Muslimit ingasattajaarniat pikitsitsiniaasullu nakuuserneq atorlugu qinersinermik ajoqusersuiniarlutik qunusaarutigereerpaat.

Piffissami kingullermi nakuuserniarneq Irakimi minnerulersimagaluarpoq, aqaguli qinersisoqareernerani, ersarissumik ajugaasoqarfiusussaagunanngitsup kinguneranik, naalakkersuisunik sivisuumik pilersitsiniartoqarnerani nutaamik aaqqiagiinngittoqalernissaa ernummatigineqartoq, Reutersimi allaaserineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat